Xülasə
Məqalədə Azərbaycanda gömrük-tarif siyasətinin ölkənin ümumi və qeyri-neft iqtisa-diyatının inkişafına təsirləri tədqiq edilmişdir. Eyni zamanda seçilmiş ekonometrik modellərin adekvatlığının yüksəldilməsi məqsədilə daxil edilmiş bir sıra makroiqti-sadi kontrol dəyişənlərinin də effektləri barədə müvafiq nəticələr əldə edilmişdir. Təbii ki, bu nəticələr aqreqatlaşmış şəkildə əldə olunmuşdur, yəni milli istehsalın stimullaşdırılması baxımından gömrük-tarif siyasəti kimi tarif dərəcələrinin təsirləri ümumi şəkildə müəyyən edilmişdir. Bu kontekstdə gömrük-tarif siyasəti kimi tarif dərəcələrinin iqtisadi fəaliyyət sahələri üzrə təsirlərini qiymətləndirməklə bu siyasətin Azərbaycan iqtisadiyyatının hansı sektorlarında daha effektli ola biləcəyini və bunun da sayəsində milli istehsalın stimullaşdırılmasının daha səmərəli istiqamətini müəyyən etmək mümkün olacaqdır.Açar sözlər: gömrük-tarif dərəcəsi, iqtisadi fəaliyyət sahələri, fiskal siyasət, iqtisadi artım, sahələrarası əlaqə, vergi.
